ఆంధ్రభారతి - తాళ్లపాక అన్నమాచార్య కీర్తనలు - తలఁచరో జనులు యీతని పుణ్యనామములు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 383-2
సంపుటము: 4-483

తాళ్లపాక అన్నమాచార్య

రాగము: గౌళ

తలఁచరో జనులు యీతని పుణ్యనామములు సులభముననే సర్వశుభములు గలుగు	॥పల్లవి॥
హనుమంతుడు వాయుజుఁ డంజనా తనయుఁడు వనధి లంఘన శీల వైభవుఁడు దనుజాంతకుఁడు సంజీవనీ శైల సాధకుఁడు ఘనుఁడు కలశాపుర హనుమంతుఁడు	॥తలఁచ॥
లంకా సాధకుఁడు లక్ష్మణ ప్రబోధకుఁడు శంకలేని సుగ్రీవ సచివుఁడు పొంకపు రాముని బంటు భూమిజసంతోష దూత తెంకినే కలశాపుర దేవ హనుమంతుడు	॥తలఁచ॥
చటులార్జున సఖుఁడు జాతరూప వర్ణుఁడు ఇటమీఁద బ్రహ్మ పట్ట మేలేటి వాఁడు నటన శ్రీ వేంకటేశు నమ్మిన సేవకుఁడు పటు కలశాపుర ప్రాంత హనుమంతుఁడు	॥తలఁచ॥