ఆంధ్రభారతి - తాళ్లపాక అన్నమాచార్య కీర్తనలు - ఎంతని నుతియింతు రామరామ యిట్టి నీ ప్రతాపము రామరామ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 383-4
సంపుటము: 4-485

తాళ్లపాక అన్నమాచార్య

రాగము: దేవగాంధారి

ఎంతని నుతియింతు రామరామ యిట్టి నీ ప్రతాపము రామరామ పంతాన సముద్రము రామరామ బంధించవచ్చునా రామరామ	॥పల్లవి॥
బలుసంజీవనికొండరామరామ బంటుచేఁ దెప్పించితివిరామరామ కొలఁదిలేనివాలిని రామరామ ఒక్కకోల నేసితివట రామరామ వెలయ నెక్కువెట్టి రామరామ హరువిల్లు విరిచితివట రామరామ పెలుచు భూమిజను రామరామ పెండ్లాడితివట రామరామ	॥ఎంత॥
శరణంటే విభీషణుని రామరామ చయ్యనఁగాచితివటరామరామ బిరుదులరావణుని రామరామ పీఁచమడఁచితివట రామరామ ధరలోఁ జక్రవాళము రామరామ దాఁటి వచ్చితివఁట రామరామ సురలు నుతించిరట రామరామ నీచొప్పు యిక నదియెంతో రామరామ	॥ఎంత॥
సౌమిత్రి భరతులు రామరామ శత్రుఘ్నులుఁ దమ్ములట రామరామ నీ మహత్త్వము రామరామ నిండె జగములెల్లా రామరామ శ్రీమంతుఁడ వన్నిటాను రామరామ శ్రీవేంకటగిరిమీఁది రామరామ కామితఫలదుఁడవు రామరామ కౌసల్యానందనుఁడవు రామరామ	॥ఎంత॥