ఆంధ్రభారతి - తాళ్లపాక అన్నమాచార్య కీర్తనలు - బిరుదు బంటితఁడు పెద్దహనుమంతుడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 383-5
సంపుటము: 4-486

తాళ్లపాక అన్నమాచార్య

రాగము: లలిత

బిరుదు బంటితఁడు పెద్దహనుమంతుడు సిరులతో రామునికి సీతాదేవికిని	॥పల్లవి॥
మూఁడులోకములుఁ దుదముట్టఁ బెరిగినవాఁడు వాఁడె హనుమంత దేవరఁ జూడరో పోఁడిమి దైత్యుల గెల్చి పూఁచి చేయెత్తుకున్నాఁడు వాఁడి ప్రతాపముతోడ వాయుజుఁడు	॥బిరుదు॥
ధ్రువమండలము మోవఁ దోఁక యెత్తుకున్నవాఁడు సవరనై పెనుజంగ చాఁచుకున్నాఁడు భువిఁ గవచ కుండలంబులతోఁ బుట్టినవాఁడు వివరించ నేకాంత వీరుఁడైనవాఁడు	॥బిరుదు॥
పెనచి పండ్లగొల పిడికిలించుకున్నాఁడు ఘనుఁ డిన్నిటా స్వామి కార్యపరుఁడు వినయపు శ్రీ వేంకటవిభునికి హితవరి యెనసి మొక్కఁగదరో యెదుట నున్నాఁడు	॥బిరుదు॥