ఆంధ్రభారతి - తాళ్లపాక అన్నమాచార్య కీర్తనలు - దాసుల పాలిటి నిధానమై వున్నాఁ డదిగో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 384-2
సంపుటము: 4-488

తాళ్లపాక అన్నమాచార్య

రాగము: సాళంగనాట

దాసుల పాలిటి నిధానమై వున్నాఁ డదిగో ఆసాబాసా నితఁడే అహోబలేశుఁడు	॥పల్లవి॥
నగె నదె వాఁడిగో నారసింహదేవుఁడు పగదీర హిరణ్యాక్షుఁ బట్టి చించి మృగరూపై గద్దెమీఁద మెఱసీవాఁ డదిగో అగవూఁ దగవెఱిఁగి యహోబలేశుఁడు	॥దాసు॥
తేరిచూచీ నదిగో దేవాదిదేవుఁడు ఘోరపు నెత్తురు గోళ్ళఁ గురియఁగాను నేరుపుతోఁ బేగుల జన్నిదాలవాఁ డదిగో ఆరితేరి కొలువున్నాఁ డహోబలేశుఁడు	॥దాసు॥
కరుణించీవాఁ డదిగో కమలాపతి దేవుఁడు సురలు గొలువఁగాను సొంపుతోడను యిరవై లోకములెల్లా నేలుచున్నాఁ డదిగో హరి శ్రీవేంకటాద్రియహోబలేశుఁడు	॥దాసు॥