ఆంధ్రభారతి - తాళ్లపాక అన్నమాచార్య కీర్తనలు - సముఖా యెచ్చరిక వో సర్వేశ్వరా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 384-3
సంపుటము: 4-489

తాళ్లపాక అన్నమాచార్య

రాగము: సామంతం

సముఖా యెచ్చరిక వో సర్వేశ్వరా అమరె నీ కొలువు ప్రహ్లాదవరదా	॥పల్లవి॥
తొడమీఁదఁ గూచున్నది తొయ్యలి యిందిరాదేవి బడిఁ జెలులు సోబానఁ బాడేరు నడుమ వీణె వాఇంచీ నారదుఁ డల్లవాఁడె అడరి చిత్తగించు ప్రహ్లాదవరదా	॥సము॥
గరుడోరగాదు లూడిగములు నీకుఁ జేసేరు యిరుమేలాఁ గొలిచేరు యింద్రాదులు పరమేష్టి యొకవంక పనులు విన్నవించీ అరసి చిత్తగించు ప్రహ్లాదవరదా	॥సము॥
పొదిగొని మిమ్మునిట్టే పూజించేరు మునులెల్లా కదిసి పాడేరు నిన్ను గంధర్వులు ముదమున నహోబలమునను శ్రీ వేంకటాద్రి - నదె చిత్తగించుము ప్రహ్లాదవరదా	॥సము॥