ఆంధ్రభారతి - తాళ్లపాక అన్నమాచార్య కీర్తనలు - ఔనయ్య జాణఁడవు ప్రహ్లాదవరదా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 385-6
సంపుటము: 4-497

తాళ్లపాక అన్నమాచార్య

రాగము: సామంతం

ఔనయ్య జాణఁడవు ప్రహ్లాదవరదా ఆసలు వెట్టకుము ప్రహ్లాదవరదా	॥పల్లవి॥
వేసరక శ్రీ సతితో వేడుక నవ్వులు నవ్వి ఆసలు చూపేవు ప్రహ్లాదవరదా సేసవెట్టిన చేతుల చెఱఁగువట్టి తీసేవు ఆ సుద్దులే చెప్పేను ప్రహ్లాదవరదా	॥ఔన॥
నంటునఁ దొడమీఁదను నలినాక్షి నెక్కించుక అంటేవు సిగ్గులు ప్రహ్లాదవరదా గెంటక యేపొద్దును కేలుగేలుఁ గీలించుక అంటువాయ వదివో ప్రహ్లాదవరదా	॥ఔన॥
కందువతోఁ గాఁగిలించి కైవసము సేసుకొంటి - నందముగ నీకెను ప్రహ్లాదవరదా పొంది శ్రీవేంకటమున పొంచి యౌభళములోనా అంది వరాలిచ్చేవు ప్రహ్లాదవరదా	॥ఔన॥