ఆంధ్రభారతి - తాళ్లపాక అన్నమాచార్య కీర్తనలు - సరిలే రితనికి సాహస విక్రముఁ డీతఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 386-2
సంపుటము: 4-499

తాళ్లపాక అన్నమాచార్య

రాగము: నాట

సరిలే రితనికి సాహస విక్రముఁ డీతఁ - డరయ కలశాపుర హనుమంతుఁడు	॥పల్లవి॥
వుదధి లఘించినాఁడు వుబ్బున మైనాకముచే పొదలి నట్ట నడుమఁ బూజ గొన్నాఁడు సదరాననే లంక సాధించి వచ్చినాఁడు అదివో కలశాపుర హనుమంతుఁడు	॥సరి॥
సంజీవి దెచ్చినాఁడు సమరరంగమందు భంజించి వానరుల బదికించినాఁడు అంజనీదేవికిఁ గొడుకైనాఁడు యేపనుల- నంజఁడు కలశాపుర హనుమంతుఁడు	॥సరి॥
బలు రాకాసులనెల్లా పట్టి చదిపినవాఁడు ఇల రామునికిఁ గడు హితుఁడైనాఁడు చెలఁగి శ్రీ వేంకటేశు సేవ సేయుచున్నవాఁడు అలరి కలశాపుర హనుమంతుఁడు	॥సరి॥