ఆంధ్రభారతి - తాళ్లపాక అన్నమాచార్య కీర్తనలు - ఎంతని పొగడవచ్చు నితని ప్రతాపము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 386-4
సంపుటము: 4-501

తాళ్లపాక అన్నమాచార్య

రాగము: బౌళి

ఎంతని పొగడవచ్చు నితని ప్రతాపము పంతములెల్లా మెరసి ప్రతాపించీ వాఁడే	॥పల్లవి॥
చేతులనే పెరికి సంజీవి కొండ దెచ్చినాఁడు ఆతఁడువో తొల్లి పెద్ద హనుమంతుఁడు ఘాతలఁ దానొక్కఁడే లంక సాధించి వార్ధి దాఁటి యీతలకి వచ్చినాఁడు ఇదివో వాఁడే	॥ఎంత॥
ముదమున బ్రహ్మ లోకము దాఁకాఁ బెరిగినాఁడు అదివో ఇప్పుడు పెద్ద హనుమంతుఁడు వదలక తోఁక చక్రవాళ పర్వతము వెంటా వుదుటునఁ జుట్టుకొని వున్నాఁడు వాఁడే	॥ఎంత॥
మెల్లనే జంగ చాఁచి మెడ నిక్కించుకొన్నాఁడు అల్లదివో మించే పెద్ద హనుమంతుఁడు వెల్లవిరైనాఁడు శ్రీ వేంకటేశ్వరుని బంటై చల్లఁగా లోకములేలీ సంతతము వాఁడే	॥ఎంత॥