ఆంధ్రభారతి - తాళ్లపాక అన్నమాచార్య కీర్తనలు - ఎంత ప్రతాపమువాఁడు యెంతటి నేరుపరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 386-5
సంపుటము: 4-502

తాళ్లపాక అన్నమాచార్య

రాగము: పాడి

ఎంత ప్రతాపమువాఁడు యెంతటి నేరుపరి యెంతని పొగడవచ్చు నీ రాముని	॥పల్లవి॥
వాలి నొక్క కోలనేసి వారిధి గట్టిన వాఁడు తాలిమితో సుగ్రీవుని లాలించినాఁడు పాలించి విభీషణునిఁ బట్టము గట్టిన వాఁడు యేలుమని లంక కెల్లా నీ రాముఁడు	॥ఎంత॥
కుచ్చి పర మొండెముగా కుంభ కర్ణుఁ గొట్టినాఁడు హెచ్చి రాకాసులఁ జంపె నీ రాముఁడు తచ్చి రావణాసురుని తలలు చెండాడినాఁడు ఇచ్చ కొలఁదుల నిట్టె యీ రాముఁడు	॥ఎంత॥
సీత తో విమాన మెక్కి చేరి యయోధ్యకు వచ్చి యీతలఁ బట్ట మేలినాఁ డీ రాముఁడు శ్రీ తరుణితోఁగూడి శ్రీ వేంకటేశుఁడైనాఁడు యీతఁడే దరసించరో యీరాముఁడు	॥ఎంత॥