ఆంధ్రభారతి - తాళ్లపాక అన్నమాచార్య కీర్తనలు - సర్వరక్షకుఁడైన సర్వేశుఁడే కాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 386-6
సంపుటము: 4-503

తాళ్లపాక అన్నమాచార్య

రాగము: లలిత

సర్వరక్షకుఁడైన సర్వేశుఁడే కాక వుర్విమీఁద నందరిలో నొక్కఁడా రాముఁడు	॥పల్లవి॥
కొండ పొడవులైన ఘోర వానర బలము గుండుగా వారిధి దండఁ గూడఁబెట్టి నిండు జెలనిధి గట్టి నిగిడి లంక సాధించె అండనే రాముఁడు నరుఁ డనవచ్చునా	॥సర్వ॥
అన్నిటా దేవతలకు నసాధ్యమైన రావణు - నెన్నికగాఁ బుత్ర మిత్ర హితుల తోడ పన్నుకొని శస్త్రాస్త్ర పంక్తులనే ఖండించె సన్నుతి నిట్టే రాముని జనుఁడన వచ్చునా	॥సర్వ॥
చలపట్టి లంక విభీషణునికిఁ బాలించి బలువుగ సీతఁగూడి పట్టమేలి యిలలో శ్రీ వేంకటాద్రి నిరవై లోకము గాచీ నలువంక రాముఁడు నరుఁడనవచ్చునా	॥సర్వ॥