ఆంధ్రభారతి - తాళ్లపాక అన్నమాచార్య కీర్తనలు - కంటిమి నేఁడిదె గరుడాచలపతి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 387-1
సంపుటము: 4-504

తాళ్లపాక అన్నమాచార్య

రాగము: లలిత

కంటిమి నేఁడిదె గరుడాచలపతి యింటివేలుపగు యీశ్వరుఁ డితఁడు	॥పల్లవి॥
శ్రీ నరసింహుఁడు చిన్మయ కాంతుఁడు దానవాంతకుఁడు దయానిధి నానా మహిమల నమ్మిన వారిని పూనుక కాచే పోషకుఁ డితఁడు	॥కంటి॥
దేవాది దేవుఁడు దినకర తేజుఁడు జీవాంత రంగుఁడు శ్రీ విభుఁడు దైవ శిఖామణి తలఁచినవారిని సేవలు గొని కాచే విభుఁడితఁడు	॥కంటి॥
పరమమూర్తి హరి ప్రహ్లాదవరదుఁడు కరుణానిధి బుధ కల్పకము పరగు శ్రీ వేంకటపతి తన దాసుల- నరుదుగఁ గాచే యనంతుఁ డితఁడు	॥కంటి॥