ఆంధ్రభారతి - తాళ్లపాక అన్నమాచార్య కీర్తనలు - ఎంత భాగ్యవంతులమో యీతనిఁ బొడగంటిమి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 387-4
సంపుటము: 4-507

తాళ్లపాక అన్నమాచార్య

రాగము: శంకరాభరణం

ఎంత భాగ్యవంతులమో యీతనిఁ బొడగంటిమి చెంతనుండి మమ్ము నేలే శ్రీవిట్ఠలేశుఁడు	॥పల్లవి॥
తుంగభద్రా తటమున తొంటి పర బ్రహ్మము అంగవించి సాకారమై వున్నాఁడు సంగతితో రుక్మిణియు సత్యభామల నడుమ చెంగలించీ మహిమల శ్రీ విట్ఠలేశుఁడు	॥ఎంత॥
అందపుఁ బైఁడిమేడలో నాదిమూర్తియైన దేవుఁ - డందరికిఁ బ్రత్యక్షమై యున్నాఁడు సందడించి గోపికా జనముల తోడుత చెంది వున్నాఁడిదివో శ్రీ విట్ఠలేశుఁడు	॥ఎంత॥
వెలసి వనాల లోన వేద వేద్యుఁడైన హరి అలరి కృష్ణావతారమై యున్నాఁడు యెలమి శ్రీ వేంకటేశుఁ డితఁడే పదారువేల చెలులతోఁ గూడినాఁడు శ్రీ విట్ఠలేశుఁడు	॥ఎంత॥