ఆంధ్రభారతి - తాళ్లపాక అన్నమాచార్య కీర్తనలు - ఇట్టి సుద్దులితనివి ఇదివో కొలువున్నాఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 387-5
సంపుటము: 4-508

తాళ్లపాక అన్నమాచార్య

రాగము: నాట

ఇట్టి సుద్దులితనివి ఇదివో కొలువున్నాఁడు నట్టనడుమ నీ సుగ్రీవనారసింహుఁడు	॥పల్లవి॥
పగలూ రాతిరీఁ గాని పటు సంధ్యా కాలమందు మొగిఁ బచ్చీ వెచ్చీగాని మొనగోళ్ళచే గగనమూ నేలాఁ గాని గనమైన తొడమీఁద నగుతా హిరణ్యుఁ గొట్టె నరసింహ దేవుఁడు	॥ఇట్టి॥
వెలుపలా లోనాఁ గాని వెడఁగుగడపమీఁద తలి తండ్రి గాని యట్టి తావునఁ బుట్టి మొలచి చిగిరించని ముదురుఁగోరలతోడ నలి హిరణ్యు జంకించె నరసింహ దేవుఁడు	॥ఇట్టి॥
మానిసీ మెకమూఁగాని మంచి యాకారముతోడ పూని యిల్లూఁ బందిలీఁ గాని గుహలో ఆనుక హిరణ్యుని నడఁచీ శ్రీ వేంకటాద్రి నానా దిక్కుల నేలిన నరసింహ దేవుఁడు	॥ఇట్టి॥