ఆంధ్రభారతి - తాళ్లపాక అన్నమాచార్య కీర్తనలు - అదె చూడరయ్యా పెద్దహనుమంతుని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 387-6
సంపుటము: 4-509

తాళ్లపాక అన్నమాచార్య

రాగము: బౌళి

అదె చూడరయ్యా పెద్దహనుమంతుని గుదిగొని దేవతలు గొనియాడేరయ్యా	॥పల్లవి॥
వుదయాస్త శైలములు వొక జంగగాఁ జాఁచె అదివో ధ్రువ మండల మందె శిరసు చదివె సూర్యుని వెంట సారె మొగము ద్రిప్పుచు యెదుట నీతని మహి మేమని చెప్పేమయ్యా	॥అదె॥
దండిగా బ్రహ్మాండముదాఁకఁ దోఁక మీఁదికెత్తె మెండగు దిక్కులు నిండ మేను వెంచెను గుండుగూడ రాకాసులఁ గొట్టఁగఁ జేతులు చాఁచె అండనీతని ప్రతాప మరుదరుదయ్యా	॥అదె॥
దిక్కులు పిక్కటిలఁగ దేహరోమములు వెంచె పక్కన లోకములకుఁ బ్రాణమై నిల్చె ఇక్కడ శ్రీ వేంకటేశు హితవరిబంటాయ మిక్కిలి నీతనిలావు మేలు మేలయ్యా	॥అదె॥