ఆంధ్రభారతి - తాళ్లపాక అన్నమాచార్య కీర్తనలు - నరులాల మునులాల నానాదేవతలాల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 388-1
సంపుటము: 4-510

తాళ్లపాక అన్నమాచార్య

రాగము: రామక్రియ

నరులాల మునులాల నానాదేవతలాల పరబ్రహ్మ మీతఁడే ప్రత్యక్షమై వున్నాఁడు	॥పల్లవి॥
భావించి చూడరో వీఁడె ప్రహ్లాద వరదుఁడు సేవించరో తొడమీఁది శ్రీ సతిని వావిరి నుతించరో వరశంఖచక్రాలవె కోవిదుఁడు గద్దెమీఁదఁ గొలువై వున్నాఁడు	॥నరు॥
చెలఁగి మొక్కరో వీఁడె శ్రీ నరసింహ దేవుఁడు తెలియరో యీతని తేజోరూపము అలరి పూజించరో అనంతహస్తము లవె కొలఁది మీరి విష్ణుఁడు కొలువై వున్నాఁడు	॥నరు॥
యిదె శరణనరో హిరణ్యదైత్యహరుని అదన జపించరో యీ హరినామము యెదుట శ్రీ వేంకటాద్రిని యహోబలమునందు కొదలే కాదిమూరితి కొలువై వున్నాఁడు	॥నరు॥