ఆంధ్రభారతి - తాళ్లపాక అన్నమాచార్య కీర్తనలు - ఇంతులాల చూడరమ్మ ఇద్దరు జాణలే వీరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 388-2
సంపుటము: 4-511

తాళ్లపాక అన్నమాచార్య

రాగము: పాడి

ఇంతులాల చూడరమ్మ ఇద్దరు జాణలే వీరు చెంత రమాదేవిఁ గూడె శ్రీనరసింహుఁడు	॥పల్లవి॥
సరిఁ గొండలెక్కుకొని సరసము లాడుకొంటా సొరిది మోములు తోఁగి చూచుకొంటాను విరులచెండులఁగొని వేటులాడుకొంటాను సిరితోడ విహరించీ శ్రీ నరసింహుఁడు	॥ఇంతు॥
భవనాశి లోని నీరు పైఁ జల్లులాడుకొంటాను నవకపు సిరులను నవ్వుకొంటాను జవళిఁ గెమ్మోవులు సన్నలఁ జూపుకొంటాను చివన నిందిరనంటె శ్రీ నరసింహుఁడు	॥ఇంతు॥
వేమరుఁ దొడలెక్కుక వీడుదోడు లాడుకొంటా ప్రేమమునఁ గాఁగిళ్ళఁ బెనఁగుకొంటా ఆముక శ్రీ వేంకటాద్రి నౌభళాన నిలిచిరి శ్రీ మహాలక్ష్మి తోడ శ్రీ నరసింహుఁడు	॥ఇంతు॥