ఆంధ్రభారతి - తాళ్లపాక అన్నమాచార్య కీర్తనలు - అదె లంక సాధించె నవనిభారము దించె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 389-1
సంపుటము: 4-514

తాళ్లపాక అన్నమాచార్య

రాగము: మాళవిగౌళ

అదె లంక సాధించె నవనిభారము దించె విదితమై ప్రతాపము వెలయించె నితఁడు	॥పల్లవి॥
రవి వంశ తిలకుఁడు రాముఁ డితఁడు భువిఁ బుట్టె దశరథ పుత్రుఁ డితఁడు భవుఁడెంచెఁ దారక బ్రహ్మ మీతఁడు పవనజు కిచ్చినాఁడు బ్రహ్మపట్ట మీతఁడు	॥అదె॥
బలువుఁడు సీతాపతి యితఁడు తలకొన్న వాలి మర్దనుఁ డితఁడు విలసిల్లె నేకాంగ వీరుఁ డితఁడు చలమరి కోదండ దీక్షా గురుఁ డితఁడు	॥అదె॥
శరణాగత వజ్రపంజరుఁ డితఁడు సరిలేని యసుర భంజకుఁ డితఁడు వరదుఁడు శ్రీ వేంకటేశ్వరుఁ డితఁడు అరయ విజయనగరాధీశుఁ డీతఁడు	॥అదె॥