ఆంధ్రభారతి - తాళ్లపాక అన్నమాచార్య కీర్తనలు - రాముఁడు లోకాభిరాముఁడు వీఁడిగో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 389-2
సంపుటము: 4-515

తాళ్లపాక అన్నమాచార్య

రాగము: రామక్రియ

రాముఁడు లోకాభిరాముఁడు వీఁడిగో వేమారు మొక్కుచు సేవించరో జనులు	॥పల్లవి॥
చెలువపు రూపమున జితకాముఁడు మలసీ బిరుదున సమర భీముఁడు పొలుపైన సాకేతపుర ధాముఁడు యిలలోఁ బ్రజలకెల్లా హిమధాముఁడు	॥రాము॥
ఘనకాంతుల నీల మేఘ శ్యాముఁడు అనిశము నుతుల సహస్ర నాముఁడు కనుపట్టు కపి నాయక స్తోముఁడు తనునెంచితే దేవతా సౌర్వభౌముఁడు	॥రాము॥
సిరుల మించిన తులసీ దాముఁడు కరుణానిధియైన భక్త ప్రేముఁడు వురుతర మహిమల నుద్దాముఁడు గరిమల శ్రీ వేంకటగిరి గ్రాముఁడు	॥రాము॥