ఆంధ్రభారతి - తాళ్లపాక అన్నమాచార్య కీర్తనలు - అదిగాన నీతి శాంతాలన్నిటకిఁ గారణము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 389-3
సంపుటము: 4-516

తాళ్లపాక అన్నమాచార్య

రాగము: సామంతం

అదిగాన నీతి శాంతాలన్నిటకిఁ గారణము పదిలమై వివేకించి బ్రదుకఁగ వలయు	॥పల్లవి॥
తఱచు మాఁటలాడితే తప్పులెన్నైనాఁ దొరలు పఱచై తిరిగితేను పాప మంటును మెఱసి తిరిగాడితే మిక్కిలి దూరు ముట్టు యెఱకగలవాఁ డిందు నేమఱ డెప్పుడును	॥అది॥
కన్నవెల్లాఁ జూచితే కడునాస లుప్పతిలు కన్నెలు పెక్కుగూడితే కరఁగు మేను సన్నలు సారెకునైతే చవుకౌ దొరతనము యిన్నిట నేర్పరైనవాఁ డేమఱఁ డెప్పుడును	॥అది॥
మట్టుమీరి నవ్వితే మచ్చరా లూరకే పుట్టు గుట్టులేక నడచితేఁ గొంచపడును నెట్టినె శ్రీ వేంకటేశ నీకు శరణుచొచ్చి యిట్టె నీ దాసుఁడైనవాఁ డేమరఁ డెప్పుడును	॥అది॥