ఆంధ్రభారతి - తాళ్లపాక అన్నమాచార్య కీర్తనలు - జయము మనది వనచరులాల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 389-4
సంపుటము: 4-517

తాళ్లపాక అన్నమాచార్య

రాగము: సాళంగనాట

జయము మనది వనచరులాల రయమున దర్మదారలు తుత్తుతూ	॥పల్లవి॥
రక్కసుల మీఁద రాముఁడలిగె నలు- దిక్కుల నడవుఁడు తిడిం తిడిం యెక్కుఁడు సేనలు యిటు మొరయింపుఁడు ఢక్కా నినదము ఢమఢమఢమం	॥జయ॥
కుటిలదానవులఁ గొట్టుఁడు కోటలు తటుకున దాఁటుఁడు ధణం ధణం పటుగతినార్చుచు పట్టుఁడు లగ్గలు పెటులు చూఁడఁ డదె పెట పెట పెటల్	॥జయ॥
గుట్టున నుండక కూలె రావణుఁడు పట్టుఁడు సంకులు భం భం భం యిట్టె శ్రీ వేంకటేశుఁడు గెలిచెను దిట్టలై యాడుఁడు ధిం ధిం ధిం	॥జయ॥