ఆంధ్రభారతి - తాళ్లపాక అన్నమాచార్య కీర్తనలు - వినుఁ డిదె రఘుపతి విజయములు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 389-5
సంపుటము: 4-518

తాళ్లపాక అన్నమాచార్య

రాగము: శంకరాభరణం

వినుఁ డిదె రఘుపతి విజయములు పనుపడి రాక్షసబాధ లుడిగెను	॥పల్లవి॥
కులగిరు లదరెను కుంభిని వడఁకెను యిల రాముఁడు రథమెక్కినను కలఁగె వారిధులు కంపించె జగములు బలు విలునమ్ములు వట్టినను	॥విను॥
పిడుగులు దొరిగెను పెనుగాలి విసరె తొడిఁబడి బాణము దొడిగినను ముడివడె దిక్కులు మొగ్గె దిగ్గజములు యెడపక రావణు నేసినను	॥విను॥
చుక్కలు డుల్లెను స్రుక్కె భూతములు తొక్కి యసుర తల దుంచినను గక్కన శ్రీ వేంకటగిరి నిలువఁగ అక్కజమగు శుభ మందరి కొదవె	॥విను॥