ఆంధ్రభారతి - తాళ్లపాక అన్నమాచార్య కీర్తనలు - రాముఁడు లోకాభిరాముఁ డుదయించఁగాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 390-1
సంపుటము: 4-520

తాళ్లపాక అన్నమాచార్య

రాగము: మాళవిగౌళ

రాముఁడు లోకాభిరాముఁ డుదయించఁగాను భూమిలో వాల్మీకికి పుణ్యమెల్లా దక్కెను	॥పల్లవి॥
తటుకన మారీచు తలపైఁ బోయఁ గర్మము కుటిల శూర్పనఖ ముక్కునఁ బండెను పటుకునఁ దెగె దైత్యభామల మెడతాళ్ళు మటమాయదైత్యులకు మరి నూరూ నిండెను	॥రాము॥
తరగె రావణు పూర్వతపములయాయుష్యము ఖర దూషణాదులకు కాలము దీరె గరిమ లంకకు నవగ్రహములు భేదించె సిరుల నింద్రజిత్తాకు చినిఁగె నంతటను	॥రాము॥
పొరిఁ గుంభకర్ణునికి పుట్టిన దినము వచ్చె మరలి గండము దాఁకె మండోదరికి పరగె నయోధ్యకు భాగ్యములు ఫలియించె చిరమై శ్రీ వేంకటేశుచేఁతలెల్లా దక్కెను	॥రాము॥