ఆంధ్రభారతి - తాళ్లపాక అన్నమాచార్య కీర్తనలు - జయము జయము ఇఁక జనులాల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 390-2
సంపుటము: 4-521

తాళ్లపాక అన్నమాచార్య

రాగము: సాళంగనాట

జయము జయము ఇఁక జనులాల భయములు వాసెను బ్రదికితి మిపుడు	॥పల్లవి॥
ఘన నరసింహుఁడు కంభమున వెడలె దనుఁజులు నమసిరి ధర వెలసె పొనిఁగె నధర్మము భూభారమడఁగె మునుల తపము లిమ్ముల నీడేరె	॥జయము॥
గరిమతో విష్ణుఁడు గద్దెపై నిలిచె హిరణ్య కశిపుని నేపడఁచె అరసి ప్రహ్లాదుని నన్నిటా మన్నించె హరుఁడును బ్రహ్మయు నదె కొలిచేరు	॥జయము॥
అహోబలేశుఁడు సిరి నంకమున ధరించె బహుగతి శుభములు పాటిల్లె యిహపరము లొసఁగె నిందును నందును విహరించెను శ్రీవేంకటగిరిని	॥జయము॥