ఆంధ్రభారతి - తాళ్లపాక అన్నమాచార్య కీర్తనలు - గరుడాద్రి వేదాద్రి కలిమి యీపె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 390-3
సంపుటము: 4-522

తాళ్లపాక అన్నమాచార్య

రాగము: రామక్రియ

గరుడాద్రి వేదాద్రి కలిమి యీపె సిరులొసఁగీఁ జూడరో చింతామణి యీపె	॥పల్లవి॥
పాల జలధిఁ బుట్టిన పద్మాలయ యీపె లాలిత శ్రీ నరసింహులక్ష్మి యీపె మేలిమి లోకమాతయై మించిన మగువ యీపె యీ లీల లోకములేలే యిందిర యీపె	॥గరు॥
ఘన సంపద లొసఁగు కమలాకాంత యీపె మనసిజుఁ గనిన రమాసతి యీపె అనిశమఁ బాయని మహా హరి ప్రియ యీపె ధన ధాన్య రూపపు శ్రీ తరుణి యీపె	॥గరు॥
రచ్చల వెలసినట్టి రమా వనిత యీపె మచ్చిక గలయలమేల్ఁమంగ యీపె యిచ్చట వేంకటాద్రి నీ యహోబలమునందు నిచ్చలూఁ దావు కొనిన నిధాన మీపె	॥గరు॥