ఆంధ్రభారతి - తాళ్లపాక అన్నమాచార్య కీర్తనలు - సమసె రావణుఁడు సమరములోపల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 390-4
సంపుటము: 4-523

తాళ్లపాక అన్నమాచార్య

రాగము: సామంతం

సమసె రావణుఁడు సమరములోపల అమరులు కడు ముదమందిరి మెరసి	॥పల్లవి॥
బెరగిరి రాముని శరముల కసురలు సురిగిరి పోట్లచురుకునను తొరిగిరి నెత్తుటఁ దునియలు సేసిన తిరిగిరి తరుమఁగ దిక్కులకు	॥మసె॥
కూలిరి భల్లూకుల ఘోషములకు వాలిరి వాయుజవాలహతి వీలిరి యంగదు వివిధనాదముల తూలిరి సుగ్రీవు దోర్భలమునను	॥మసె॥
దాఁగిరి లక్ష్మణు దాకకు నులుకుచు వీఁగిరి వనచర వితతికిని పాఁగి శ్రీ వేంకటపతి కృపా రసమునఁ దోఁగిరి జనులు సంతోసంబునను	॥మసె॥