ఆంధ్రభారతి - తాళ్లపాక అన్నమాచార్య కీర్తనలు - వీఁడివో కలశాపుర వీరహనుమంతుడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 390-6
సంపుటము: 4-525

తాళ్లపాక అన్నమాచార్య

రాగము: బౌళిరామక్రియ

వీఁడివో కలశాపుర వీరహనుమంతుడు వాఁడిమి మెరసినట్టి వజ్రపాణి యితఁడు	॥పల్లవి॥
చలపట్టి జంగచాఁచి జలధి దాఁటినవాఁడు తల కొన్న రాముని ప్రతాపపువాఁడు యెలమి సీతకుంగరమిచ్చి మెప్పించినవాఁడు కలగుండు వడ లంకఁ గాలిచినవాఁడు	॥వీడివో॥
మగిడి రాఘవునకు మణి దెచ్చినట్టివాఁడు గగనము మోచిన కాయమువాఁడు మొగి సూర్యునిచే శాస్త్రములు చదివినవాఁడు పగటున మీఁది బ్రహ్మ పట్టమేలే వాఁడు	॥వీడివో॥
యిప్పుడూఁ బ్రాణముతోనే యిల దేవుఁడైనవాఁడు చెప్పఁగొత్తైనమహిమ జెన్నొందువాఁడు ముప్పిరి శ్రీ వేంకటేశు మూల బలమైన వాఁడు వొప్పగు వరా లిందరి కొసగేటివాఁడు	॥వీడివో॥