ఆంధ్రభారతి - తాళ్లపాక అన్నమాచార్య కీర్తనలు - వీఁడివో కొలువున్నాఁడు విట్ఠలేశుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 391-1
సంపుటము: 4-526

తాళ్లపాక అన్నమాచార్య

రాగము: రామక్రియ

వీఁడివో కొలువున్నాఁడు విట్ఠలేశుఁడు మూఁడుమూర్తుల తేజపు మూల మీతఁడు	॥పల్లవి॥
పంతముతో పాండవపక్షపాతి యీతఁడు వింతలేని విదురునివిందు యీతఁడు మంతు కెక్కిన ద్రౌపదీ మాన రక్షకుఁడీతఁడు చెంతనే వుద్ధపు పాలి చింతామణి యీతఁడు	॥వీడివో॥
మంద గొల్లెత లకెల్లా మంగళసూత్ర మీతఁడు కందువ నక్రూరుని భాగ్యం బీతఁడు నంద గోప యశోదల నవ నిధాన మీతఁడు అందపు రుక్మిణీ మనోహరుఁ డీతఁడు	॥వీడివో॥
దేవకీ వసుదేవుల దివ్యపద వీతఁడు భావింప నందరి పర బ్రహ్మ మీతఁడు కైవశమై దాసులకు కల్ప వృక్ష మీతఁడు శ్రీ వేంకటాద్రి మీఁదిశ్రీ పతి యీతఁడు	॥వీడివో॥