ఆంధ్రభారతి - తాళ్లపాక అన్నమాచార్య కీర్తనలు - తొల్లియును మఱ్ఱాకు తొట్టెలనె యూఁగెఁ గన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 4-1
సంపుటము: 4-532

తాళ్లపాక అన్నమాచార్య

రాగము: ఆహిరి

తొల్లియును మఱ్ఱాకు తొట్టెలనె యూఁగెఁ గన చెల్లుబడి నూఁగీని శ్రీరంగశిశువు	॥పల్లవి॥
కలికి కావేరి తరగల బాహులతలనే తలఁగకిటు రంగమధ్యపు తొట్టెల పలుమారుఁదనునూఁచి పాడఁగానూఁగీని చిలుపాల సెలవితో శ్రీ రంగ శిశువు	॥తొల్లి॥
అదివొ కమలజుని తిరువారాధనంబనఁగ అదనఁ గమలభవాండమనుతొట్టెల ఉదధులు తరంగములనూఁచఁగా మాఁగీని చెదరని సిరులతోడ శ్రీ రంగశిశువు	॥తొల్లి॥
వేదములె చేరులై వెలయంగ శేషుఁడే పాదుకొను తొట్టెలై పరగఁగాను శ్రీ దేవితోఁగూడి శ్రీ వేంకటేశుఁడై సేద దేరెడి వాఁడె శ్రీ రంగశిశువు	॥తొల్లి॥