ఆంధ్రభారతి - తాళ్లపాక అన్నమాచార్య కీర్తనలు - వెరపు దెలుపు నీ వేగిరిమే నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 13-1
సంపుటము: 4-533

తాళ్లపాక అన్నమాచార్య

రాగము: శ్రీరాగం

వెరపు దెలుపు నీ వేగిరిమే నీ వెఱిఁగియు నెఱఁగక యేమంటివో	॥పల్లవి॥
గోరపురుధిరము గురియు గోళ్ళ నీ తోరమైన యా తొడమీఁద గోరంటగోళ్ళ కోమలి నిలువఁగ ఈరసమందక యేమంటివో	॥వెరపు॥
నెత్తురుఁ బెదవుల నీ మొకమలరఁగ బిత్తరి వీడెపుఁ బెదవులతో మత్తకరిగమన మాటలాడఁగా ఎత్తిన మదమున నేమంటినో	॥వెరపు॥
ఆననరౌద్రము నట్టహాసమును పూనిన నినుఁగని బొమముడితో లేనగవుల నదలింపెడి సిరితో హీనాధికముల నేమంటివో	॥వెరపు॥
పెద పెద యూర్పుల పేగుల జందెపు టుదరముతో నీవుండుచును చెదరిన పయ్యెద చెరఁగు జారుసతి యెదురెదురను నీవేమంటివో	॥వెరపు॥
చింప నెరుల నీ శిరసు ముడుచుకొని కంపముడిగి వేంకటపతివై లంపటమందుచు లక్ష్మీసతితో ఇంపులు నెరపుచు నేమంటివో	॥వెరపు॥