ఆంధ్రభారతి - తాళ్లపాక అన్నమాచార్య కీర్తనలు - అందరి వసమా హరి నెరుఁగ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 16-1
సంపుటము: 4-534

తాళ్లపాక అన్నమాచార్య

రాగము: రామక్రియ

అందరి వసమా హరి నెరుఁగ కందువగ నొకఁడుగాని యెరఁగఁడు	॥పల్లవి॥
లలితపు పది గోట్ల నొకఁడుగాని కలుగఁడు శ్రీ హరిఁ గని మనఁగ ఒలిసి తెలియు పుణ్యుల కోట్లలో ఇలనొకఁడుగాని యెరఁగడు హరిని	॥అందరి॥
శ్రుతి చదివిన భూసుర కోట్లలో గతియును హరినె యొకానొకఁడు అతి ఘనులట్టి మహాత్మ కోటిలో తతి నొకఁడుగాని తలఁచఁడు హరిని	॥అందరి॥
తుది కెక్కిన నిత్యుల కోట్లలో పొదుగు నొకఁడు తలపున హరిని గుదిగొను హరి భక్తుల కోట్లలో వెదకు నొకఁడు శ్రీ వేంకటపతిని	॥అందరి॥