ఆంధ్రభారతి - తాళ్లపాక అన్నమాచార్య కీర్తనలు - చండప్రచండాది జయ విజయులన్ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 22-1
సంపుటము: 4-540

తాళ్లపాక అన్నమాచార్య

రాగము: శ్రీరాగం

చండప్రచండాది జయ విజయులన్ అండఁ బూజించి హరి కటుగదా పూజ	॥పల్లవి॥
కూర్మ భూమ్యాదులను గోరికఁ బ్రతిష్ఠించి ధర్మముఖ్యంబుల నధర్మాదులన్ కర్మగతిఁ జామర గ్రాహిణులఁ బూజించి మర్మంబుగా హరికి మరికదా పూజ	॥చండ॥
గరుడ సేనేశులను ఘనుని శేషుని మరియు వరమతులఁ బాదసంహినులను కరమొప్ప శంఖచక్రగదాసి శార్జ్ఞముల అరసి పూజించి హరికిన పుడుగా పూజ	॥చండ॥
నవకిరీటమును గుండలహార కౌస్తుభము లవిరళపుఁ బీతాంబరాదులలర వివిధగతిఁ బూజించి వేంకటేశ్వరు పూజ యివదఁ దళిగలు పెట్టుఁడిదిగదా పూజ	॥చండ॥