ఆంధ్రభారతి - తాళ్లపాక అన్నమాచార్య కీర్తనలు - కాయముల కాణాచి కాఁపులము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 22-2
సంపుటము: 4-541

తాళ్లపాక అన్నమాచార్య

రాగము: ధన్నాసి

కాయముల కాణాచి కాఁపులము చాయల మా సుఖము జయమేఁటిదయ్యా	॥పల్లవి॥
పంచ మహా పాతకాల బైరు విత్తి దేహాల కంచపుఁ గొలుచులుగా గాదెలఁబోసి చంచలాలు జవ్వనాలు చవులైన కూరలుగా నించి భుజియించే మానిజమేఁటిదయ్యా	॥కాయ॥
ఉడివోని లంపటాన నూళ్ళుఁ బల్లెలు నెక్కి యిడుమల మమతల నిండ్లు గట్టి గొడవలానానసల కూరిమి సంపదల పొడవైన మామతి పొందేఁటిదయ్యా	॥కాయ॥
పనిలేని మమతల్ల పాపములు బందాలు గొనకొని ధనములు గూడపెట్టి కని నేఁడు తిరు వేంకటపతి కృపతోడ తనియని మాతోడి తగువేఁటిదయ్యా	॥కాయ॥