ఆంధ్రభారతి - తాళ్లపాక అన్నమాచార్య కీర్తనలు - ఎన్నటి కెవ్వరి కితఁడే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 22-4
సంపుటము: 4-543

తాళ్లపాక అన్నమాచార్య

రాగము: ముఖారి

ఎన్నటి కెవ్వరి కితఁడే అన్నిటానున్న అధికుఁడు	॥పల్లవి॥
ఆతుమ కంతర్యామీ స్వామీ యేతరినైనా నితఁడే పాతక శూరుఁడు పారశరీరుఁడు పూతన ప్రాణ ఘాతకుఁడు	॥ఎన్న॥
అక్కర దీరచ నందాఁ జెందా యెక్కడనైనా నితఁడే పుక్కిటి లోకాలు పొందుగా నించి మా దిక్కైనా పరదేవుఁడు	॥ఎన్న॥
నేరమి నేరుపు నించాఁ బెంచా నేరీతినైనా నితఁడే కారుణ్యనిధి వేంకట విభుఁడు మా చేరువై యున్న చెలువుఁడు	॥ఎన్న॥