ఆంధ్రభారతి - తాళ్లపాక అన్నమాచార్య కీర్తనలు - ఏమో తెలిసెఁ గాని యీ జీవుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 28-1
సంపుటము: 4-544

తాళ్లపాక అన్నమాచార్య

రాగము: భూపాళం

ఏమో తెలిసెఁ గాని యీ జీవుఁడు నేమపు నెరవిద్య నేరఁడాయ	॥పల్లవి॥
కపటాలే నేరిచెఁ గాని జీవుఁడు ఎపుడైన నిజ సుఖం బెరఁగఁడాయ కపురులే చవిగొనెఁ గాని జీవుఁడు అపరిమితామృత మానఁడాయ	॥ఏమో॥
కడలేక తిరిగీఁ గాని జీవుఁడీ నడుమ మొదలు చూచి నడవఁడాయ కడుపుకూటికిఁ బోయీఁ గాని జీవుఁడీ చెడని జీతముపొంతఁ జేరఁడాయ	॥ఏమో॥
కనియుఁ గానక పోయెఁ గాని జీవుఁడు దినము వేంకటపతిఁ దెలియఁడాయ కనుమాయలకె చొక్కెఁ గాని జీవుఁడు తనియ నిట్టేమంచి దరిఁ జేరడాయ	॥ఏమో॥