ఆంధ్రభారతి - తాళ్లపాక అన్నమాచార్య కీర్తనలు - ధనముగని మరికదా ధనికుఁడౌట - మొదల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 37-1
సంపుటము: 4-556

తాళ్లపాక అన్నమాచార్య

రాగము: సామంతం

ధనముగని మరికదా ధనికుఁడౌట - మొదల తనుఁ దానెఱుఁగలేని తలఁపేఁటి తలఁపు	॥పల్లవి॥
మచ్చికల నినుఁగొలిచి మరికదా సుఖులౌట యెచ్చోట నేవేల్పులెవ్వరైన అచ్చుపడ నటువంటి హరి నిన్నుఁ గొలిచి నీ మెచ్చువడయఁగలేని మేలేఁటి మేలు	॥ధనము॥
కందువగ నినుఁ గొలువఁగనికదా ఘనులౌట యెందునరుదగు వేల్పులెందరైన అందముగ పరదైవమని నిన్నుఁ గనలేక గొందిఁబడి పొరలేటి కూడేఁటి కూడు	॥ధనము॥
వేరక నినుఁగొలిచి వేంకటనగేశ నీ దాసులై మరికదా ధన్యులౌట వాసి వట్టముకొరకు వదలి దినములచేతఁ బాసి పోయినవెనక పరమేడ పరము	॥ధనము॥