ఆంధ్రభారతి - తాళ్లపాక అన్నమాచార్య కీర్తనలు - చాలదా నా సంసారము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 46-1
సంపుటము: 4-558

తాళ్లపాక అన్నమాచార్య

రాగము: ఆహిరి

చాలదా నా సంసారము గాలి యుయ్యెలలఁ దొలఁగక యూఁగవలసె	॥పల్లవి॥
పాపపుణ్యములనెడి బల్లిదుల వెంటనే దీపించు బంటనై తిరిగి తిరిగి పైపైనె దేహంపుఁ బల్లెలొసఁగిన నరక కూపముల మడి దున్నుకొని బ్రదుకవలసె	॥చాల॥
చిత్తమను విభుఁజేరి చెలఁగి విషయంబులకు కొత్తగమికాఁడనై కొలిచి కొలిచి హత్తుకొని మోహంబులను ప్రధానుల యెదుట గత్తంపు మొగసాలఁ గలదించవలసె	॥చాల॥
గాటంపు దురితములకై జీతగాఁడనై చేటైన కోరికలఁ జేరిచేరి ఈటాడఁ దిరు వేంకటేశుఁ గనకిన్నాళ్ళు కోటకొమ్మలకెగసి గుంపించవలసె	॥చాల॥