ఆంధ్రభారతి - తాళ్లపాక అన్నమాచార్య కీర్తనలు - వాగె బలువు దైవపురాయా - నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 48-2
సంపుటము: 4-561

తాళ్లపాక అన్నమాచార్య

రాగము: కాంబోది

వాగె బలువు దైవపురాయా - నీ రాగె జతనము పరాకెచ్చరికె	॥పల్లవి॥
మించులఁ దురగము మిన్నులు మోపఁగ నంచలఁ గురుచల నాడఁగను కంచు మించుగా గక్కనఁ దోలితి పంచాస్త్రగురుఁడ పాదెచ్చరికె	॥వాగె॥
పెక్కువతేజిటు పేరెమువారఁగ తొక్కనిచోట్లు దొక్కఁగను చుక్కలు మోపఁగ సొంపుగఁ దోలితి తొక్కుల దేవరదేవెచ్చరికె	॥వాగె॥
అంకవన్నె పాదాబ్జము పదిలము వేంకటేశ తిరువీధులను సంకెలేక శ్రీసతితోఁ జెలఁగెడి లంకెల జాఁగు భళా యెచ్చరికె	॥వాగె॥