ఆంధ్రభారతి - తాళ్లపాక అన్నమాచార్య కీర్తనలు - తల్లిఁ బాసి బిడ్డలెల్లఁ దల్లడించినట్టు నా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 49-1
సంపుటము: 4-562

తాళ్లపాక అన్నమాచార్య

రాగము: కాంబోది

తల్లిఁ బాసి బిడ్డలెల్లఁ దల్లడించినట్టు నా పల్లదా లెవ్వరి పాలయ్యీనో తాము	॥పల్లవి॥
మేదరింటి లంజవోయి మేదినీశుఁ దగులఁగ గోదిలి కువిటులెల్లఁ గుల్లినయట్టు ఆదిగొని నేఁబోయి హరిఁ గొలువఁగ నా గాదిలి కర్మములేడఁ గంటివో తాము	॥తల్లి॥
కాఁపుటూరి మంగలోజు గడిమీఁది రాజుగాఁగ కాఁపులెల్లాఁ బనిమాసి కందినయట్టు ఆఁపలేక నేఁబోయి హరిఁ గొలువఁగ నా పాపము లెవ్వరి పంచపాలయ్యీనో తాము	॥తల్లి॥
ఒట్టిన మోఁపులు మోవనోపక వూరువిడిచి వెట్టివాఁడు పారిపోఁగా వెదకినట్టు ఇట్టె నేను శ్రీవేంకటేశుఁ గొలువఁగ నా చుట్టము లిందరు నేడఁ జొచ్చేరో తాము	॥తల్లి॥