ఆంధ్రభారతి - తాళ్లపాక అన్నమాచార్య కీర్తనలు - నీవు తురగముమీఁద నేర్పు మెరయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 58-1
సంపుటము: 4-569

తాళ్లపాక అన్నమాచార్య

రాగము: సాళంగం

నీవు తురగముమీఁద నేర్పు మెరయ వేవేలు రూపులై వెదచల్లితపుడు	॥పల్లవి॥
పదిలముగ నిరువంకఁ బసిడి పింజల యంప పొదల తరకసములొరపులు నెరపఁగా గదయు శంఖంబు చక్రము ధనుః ఖడ్గములు పదివేలు సూర్యబింబములైనవపుడు	॥నీవు॥
సొరిది శేషుని పెద్దచుట్టు పెనుఁగేవడము సిరి దొలఁక నొకచేతఁ జిత్తగించి దురమునకుఁ దొడవైన ధూమకేతువు చేత ఇరవైనబల్లెమై యేచెనందవుడు	॥నీవు॥
కరకజడతో రమాకాంత జయలక్ష్మియై తొరలి కౌగిఁట నిన్నుఁ దొడికి పట్టి చరచె వెను వేంకటస్వామి నిను గెలువుమని మెరుఁగుఁగుచకుంభముల మిసిమితో నపుడు	॥నీవు॥