ఆంధ్రభారతి - తాళ్లపాక అన్నమాచార్య కీర్తనలు - దురితమృత్యువట దొంగలట - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 66-1
సంపుటము: 4-571

తాళ్లపాక అన్నమాచార్య

రాగము: శంకరాభరణం

దురితమృత్యువట దొంగలట సిరివరుఁడట దయసేసీనా	॥పల్లవి॥
మలయుచునె చేరిన మధుకైటభులను సెల నెత్తురు వడిచినయట్ల ఖలులఁ బిడిచి రక్తము వడిఁగ్రోలక విలయాంతకుఁడట విడిచీనా	॥దురి॥
కారించి కనక కసిపుని నఖములఁ జీరి కడుపు చించిన యతఁడు ఈరసపసురల యెముకలు విరువక వీరసింహుఁడట విడిచీనా	॥దురి॥
చెనకి దశముఖుని చేతులుఁ దలలును చినికండలు గోసిన యతఁడు ఘనుఁడట తిరువేంకటపతి దుష్టులు తనువులఁ జెండక తడసీనా	॥దురి॥