ఆంధ్రభారతి - తాళ్లపాక అన్నమాచార్య కీర్తనలు - భవములు వీడఁగఁ బాలించి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 74-1
సంపుటము: 4-574

తాళ్లపాక అన్నమాచార్య

రాగము: లలిత

భవములు వీడఁగఁ బాలించి చవి మరపెను మోక్షము తెరువు	॥పల్లవి॥
కర్మకోట్లకు గడిచీటిచ్చెను నిర్మలమతులకు నేఁడిపుడే ధర్మమార్గమునఁ దడవి నడచుటకు నర్మిలిఁ బుణ్యములందుటకు	॥భవ॥
ముంజేతద్దము మూలదాముగా సంజీవని సరసత నొసఁగె గొంజ సుకృతములు కుమ్మరించి హరి రంజించెను సర్వజనులకు	॥భవ॥
పట్టముగట్టెను ప్రాణులకెల్లను గట్టిగఁ దిరు వేంకట విభుఁడు ఒట్టిన యాపదలూడఁదోలి జను లిట్టే నిజసుఖమిచ్చుటకు	॥భవ॥