ఆంధ్రభారతి - తాళ్లపాక అన్నమాచార్య కీర్తనలు - నన్ను నింత సేయుకంటె నవ్వులున్నవా పంట - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 74-2
సంపుటము: 4-575

తాళ్లపాక అన్నమాచార్య

రాగము: ఆహిరి

నన్ను నింత సేయుకంటె నవ్వులున్నవా పంట మన్ను పైఁడిముద్ద గాఁగ మన్నుపూసె (?) నితఁడు	॥పల్లవి॥
పంచమహాపాతకులఁ బరమపావనులఁగా వించఁ బూనె నిందుకంటె విద్యలున్నవా ఇంచుకంత హరినామమింతలోననె ముట్టు పెంచు దెచ్చి మాణికపుబిల్ల సేసె నితఁడు	॥నన్ను॥
మాలవాని కష్టవిద్య మందవెట్టి బ్రహ్మవిద్య పాలుసేసె నిందుకంటె బ్రతుకున్నదా నాలుకందునున్న విష్ణునామమంత్రము చెప్పు తోలుబిల్ల మాడకంటె దొడ్డసేసె నన్నును	॥నన్ను॥
కుక్క దెచ్చి గంగిగోవు కొదమగాఁగ భూమిలోన ఒక్కమాట యింతసేయ నోపవచ్చునా దిక్కులందు వేంకటేశు దివ్యనామము రోఁత కక్కుఁగూటి నమృతజలధిఁ గావించె నన్నును	॥నన్ను॥