ఆంధ్రభారతి - తాళ్లపాక అన్నమాచార్య కీర్తనలు - అచ్చపు రాల యమునలోపల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 74-4
సంపుటము: 4-577

తాళ్లపాక అన్నమాచార్య

రాగము: మేచబౌళి

అచ్చపు రాల యమునలోపల ఇచ్చగించి భుజియించితి కృష్ణ	॥పల్లవి॥
ఊరుఁగాయలును నొద్దిక చద్దులు నారగింపుచు నందరిలో సారె బాలుల సరసాలతోడ కోరి చవులు గొంటివి కృష్ణా	॥అచ్చ॥
ఆకసంబున కాపుర ముఖ్యులు నాకలోకపు నాందులును కైకొని యజ్ఞకర్త యాతఁడని జోకఁ గొనియాడఁ జొక్కితి కృష్ణా	॥అచ్చ॥
పేయలు లేవు పిలువుఁడనుచు కోయని నోరఁ గూఁతలను మాయల బ్రహ్మము మతము మెచ్చుచు చేయని మాయలు సేసితి కృష్ణా	॥అచ్చ॥