ఆంధ్రభారతి - తాళ్లపాక అన్నమాచార్య కీర్తనలు - నీ కథామృతము నా నిరతసేవన నాకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 75-2
సంపుటము: 4-579

తాళ్లపాక అన్నమాచార్య

రాగము: ?---

నీ కథామృతము నా నిరతసేవన నాకు చేకొనుట సకలసుఖసేవనంబటు గాన	॥పల్లవి॥
ఇదియె మంత్రరాజము నాకు నేప్రొద్దు నిదియె వేదసంహిత పాఠము ఇదియె బహుశాస్త్రమెల్లఁ జదువుట నాకు ఇదియె సంధ్య నాకిదియె జపమటు గాన	॥నీక॥
ఇదియె బ్రహ్మవిద్యోపదేశము నాకు ఇదియె దుఃఖవిరహితమార్గము ఇదియె బహులోకహితభేషజము నాకు ఇదియె వుపనిషద్వాక్యపద్ధతిగాన	॥నీక॥
ఇదియె దానఫలమియ్యఁ జాలును నాకు ఇదియె తపవిరహిత కర్మము ఇదియె తిరువేంకటేశ్వరుని సంస్మరణ ఇదియె యిదియె యిన్నియును నటుగాన	॥నీక॥