ఆంధ్రభారతి - తాళ్లపాక అన్నమాచార్య కీర్తనలు - కలుషపు చీకటి గలుగఁగను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 80-2
సంపుటము: 4-582

తాళ్లపాక అన్నమాచార్య

రాగము: పాడి

కలుషపు చీకటి గలుగఁగను వెలుగు లోకముల వెలసినయట్లు	॥పల్లవి॥
మునుకొని పాతకములు గలుగఁగఁబో జనులకుఁ బుణ్యము చవులాయ ఇనుము గలుగఁగా ఇందరి యెదిటికి కనకము ప్రమోదకరమైనట్లు	॥కలుష॥
జగములోపల విషముగ గలుగఁ బో మిగులఁగ నమృతము మేలాయ వగపు గలుగఁగా వడి సంతోషం బగపడుటిందరి కబ్బురమాయ	॥కలుష॥
బహుదైవంబుల ప్రపంచవిదులఁ బో మహిమల శ్రీహరి మనసాయ విహగ గమనుఁడగు వేంకటేశ్వరుడు ఇహమియ్యఁగఁ బరమిచ్చైనట్లు	॥కలుష॥