ఆంధ్రభారతి - తాళ్లపాక అన్నమాచార్య కీర్తనలు - ఇందిర వడ్డించ నింపుగను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 4-2
సంపుటము: 1-22

తాళ్లపాక అన్నమాచార్య

రాగము: శ్రీరాగం

ఇందిర వడ్డించ నింపుగను చిందక యిట్లే భుజించవో స్వామీ	॥ఇందిర॥
అక్కాళపాశాలు నప్పాలు వడలు పెక్కైన సయిఁదంపు పేణులును సక్కెరరాసులు సద్యోఘృతములు కిక్కిరియ నారగించవో స్వామీ	॥ఇందిర॥
మీరిన కెళంగు మిరియపుఁ దాళింపుఁ- గూరలు కమ్మని కూరలును సారంపుఁ బచ్చళ్ళు చవులుగ నిట్టే కూరిమితోఁ జేకొనవో స్వామీ	॥ఇందిర॥
పిండివంటలునుఁ బెరుగులుఁ బాలు మెండైన ^[1]పాశాలు మెచ్చి మెచ్చి కొండల పొడవు కోరి దివ్యాన్నాలు వెండియు మెచ్చవే వేంకటస్వామీ	॥ఇందిర॥

^[1] ఇది ‘పాయస’ శబ్దమునకు వ్యావహారికరూపము కావచ్చు.