ఆంధ్రభారతి - తాళ్లపాక అన్నమాచార్య కీర్తనలు - ఈ జీవునకు నేది గడపల తనకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 84-1
సంపుటము: 4-587

తాళ్లపాక అన్నమాచార్య

రాగము: దేవగాంధారి

ఈ జీవునకు నేది గడపల తనకు నే జాతియును లేక యిట్లున్నవాఁడు	॥పల్లవి॥
బహుదేహ కవచములఁ బారవేసినవాఁడు బహుస్వతంత్రముల నాపద నొందినాఁడు బహుకాలముల మింగి పరవశంబైనాఁడు బహుయోనికూపములఁ బడి వెడలినాఁడు	॥ఈజీ॥
పెక్కుబాసలు నేర్చి పెంపు మిగిలినవాఁడు పెక్కు నామములచే బిలువఁబడినాఁడు పెక్కుకాంతలతోడ పెక్కుపురుషులతోడ పెక్కులాగులఁ బెనఁగి బెండుపడినాఁడు	॥ఈజీ॥
ఉండనెన్నఁడుఁ దనకు ఊరటెన్నఁడు లేక యెండలకు నీడలకు యెడతాఁకినాఁడు కొండలలో నెలకొన్న కోనేటిరాయని యండ చేరెదననుచు నాసపడినాఁడు	॥ఈజీ॥