ఆంధ్రభారతి - తాళ్లపాక అన్నమాచార్య కీర్తనలు - దిక్కులేకపోయే నిట్టే దినదినము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 84-2
సంపుటము: 4-588

తాళ్లపాక అన్నమాచార్య

రాగము: వరాళి

దిక్కులేకపోయే నిట్టే దినదినము వెక్కసపు లోకమేలే విభుఁడెవ్వడో	॥పల్లవి॥
గుత్తముగ నెల్లవారు కుడిచేటి కంచము ఎత్తుక లోఁబెట్టుకొనె నెవ్వఁడో దొంగ కొత్తగానే యింతి గట్టుకొని బయటవేసిన మెత్తనిదంటాఁ బట్టు మింగె నెవ్వడో	॥దిక్కు॥
బంతిగాఁగ నెల్లవాఁరు పండేటిమంచము గుంతలో విరుగఁదోసె గూళఁడెవ్వడో దొంతుల కడవలోన తొరలి దాఁచిన పెద్ద పొంతకూటికుండఁ గొంటఁ బోయెనెవ్వఁడో	॥దిక్కు॥
సొరిది సంతలలోని సుద్దులెల్ల విని విని విరసములెల్లఁ బాపే విభుఁడెవ్వఁడో తిరువేంకటగిరి దేవుఁడై యిందరికిఁ గరుణ లోకము గాచే ఘనుఁడెవ్వఁడో	॥దిక్కు॥