ఆంధ్రభారతి - తాళ్లపాక అన్నమాచార్య కీర్తనలు - కటకటా మీరితివి కలికాలమా - పుణ్య - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
నిడు రేకు: 121-1
సంపుటము: 4-608

తాళ్లపాక అన్నమాచార్య

రాగము: ఆహిరి

కటకటా మీరితివి కలికాలమా - పుణ్య- ఘటన గరవై పోయెఁ గలికాలమా	॥పల్లవి॥
భూసురుల కామినులు బోయల నామి కులఁ జేసుకొని యీండ్లై చిచ్చురికిరి యీసునను నీవలన నెక్కువకులములెల్ల కాసు సేయకపోయె గలికాలమా	॥కట॥
అన్నలును జెల్లెండ్లు నాండ్లు మగలునునైరి వన్నె సెడి యతులు ధనవంతులైరి ఇన్నియును జేసితిని యింకనైనా నీకు కన్నీరు రాదుగా కలికాలమా	॥కట॥
అరుదగుఁ బతివ్రతలు అభిమానవతులు పలు దొరలకమ్ముడు వోయి తొత్తులైరి చిరకాల సుకృ.త్తమునఁ గొంతైన కరుణ మార్పితివిగా కలికాలమా	॥కట॥
కోవిదుల మను దొరల కులరాణి వాసములు త్రోవలనె లంజలై తుదిమీరిరి ఏవంకఁ జూచినా యిట్లనే ధర్మంబు గావు వట్టితివిగా కలికాలమా	॥కట॥
పట్టభద్రుల నతులు పలుమారు నింద ... ... రిపెంబులై దీనులైరి దిట్టైనఁ దిరువేంకటేశుదాసులు నిన్నుఁ గట్టవేతురు సుమీ కలికాలమా	॥కట॥