ఆంధ్రభారతి - తాళ్లపాక అన్నమాచార్య కీర్తనలు - రాకుంటే మానుఁగాక రంతులేఁటికే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1-5
సంపుటము: 5-5

తాళ్లపాక అన్నమాచార్య

రాగము: కాంబోది

రాకుంటే మానుఁగాక రంతులేఁటికే వేఁకపు గుబ్బలాండ్ల విటుడాఁతఁడు	॥పల్లవి॥
అంపిన కప్పురమొల్ల నంటేఁ దాననుఁ గాక వంపు మోముతోడ నీకు వాడనేఁటికే చెంపల లప్పలు నిండఁ జెరిగిన కప్పురపు - గంపకొప్పుల సతుల ఘనుఁడాతడు	॥రాకుం॥
ఒద్దికగాకక్కడనే వుంటే దానుండుఁ గాక ముద్దుమోము వంచి నీకు మొక్కనేఁటికే చద్దికి వేఁడికి మంచిచక్క సతుల మోవి పొద్దునొద్దుకారగించే భోగి యాతఁడు	॥రాకుం॥
అబ్బురపు వేంకటేశుఁడైతే దానవుఁ గాక గబ్బి చూపులెల్లా నీకై గప్పనేఁటికే జొబ్బిలేటి జవ్వాదిసోనల పన్నీట నన్ను గుబ్బలంటి సరసానఁ గూడెనాతఁడు	॥రాకుం॥